ლინკდინზე დადებულ ვაკანსიას გამოვეხმაურე და ერთ დამქირავებელთან ვიყავი გასაუბრებაზე.
მიუხედავად იმისა, რომ სპეციფიკურ გამოცდილებას ტექსტში არ ითხოვდნენ, მაინც შელამაზებული უარი მივიღე მათგან.
ინტერვიუს დროს ეიჩარმა აღნიშნა, უახლოეს პერიოდში დაგეგმილი პროექტისთვის ისეთი კანდიდატურა გვჭირდება, ვისაც შესაბამისი პრაქტიკული გამოცდილებაც ექნებაო. თან დაამატა, იმის დრო ნამდვილად არ გვაქვს, ახლა მთელი კვირა სწავლებაში დავხარჯოთო.
ამ შეხვედრიდან თვე იქნებოდა გასული, როცა იმავე კომპანიის პოსტი შემხვდა იმავე ვაკანსიაზე და გამეცინა. უბრალო შანსი რომ მოეცათ, შეიძლება ძალიან ერთგული და პასუხისმგებლიანი თანამშრომელი შეეძინათ…
ასეა ეს. “იდეალური” კანდიდატის ძებნაში ხარჯავს ბევრი ქართული ბიზნესი თვეებს, როცა ერთი კვირით უფასო სტაჟირების შესაძლებლობასაც არ აძლევენ მონდომებულ ადამიანს.
Ikoshvili 