მთავარი რჩევა მათთვის, ვინც კარიერის დამწყებ ეტაპზეა, არის..

ჩემია: ნუ გამოეკიდებით სერტიფიკატებს.

ნებისმიერ პიროვნებას აქვს უნარი, აითვისოს სიახლე დამოუკიდებლად, ყოველგარი ოფიციალური სწავლების გარეშე.

ბევრ ეტაპს გავდივართ და თითოეული ეტაპი თავისმხრივ გვაიძულებს, გავხდეთ მრავალფუნქციურნი.

პირველი სამსახური ყოველდღიურ პრესაში დავიწყე, სადაც ხელფასს არ მპირდებოდნენ.

რაღაცა დროის შემდეგ რედაქტორს ვკითხე – სერტიფიკატსაც არ გადმომცემთ მეთქი? რაზეც მიპასუხა: ახლავე ამოგიბეჭდავ, თუ ამაში ხედავ მნიშვნელობასო.

მერე ჩემი სტატიაც გამოქვეყნდა გაზეთში და მივხვდი: საუკეთესო, რაც მუშაობის პროცესში მივიღე, კომუნიკაციის გამოცდილება იყო სხვადასხვა რესპონდენტთან.

ამ შენაძენის დასამტკიცებლად არ მჭირდებოდა ფურცელი. მჭირდებოდა მხოლოდ გაუმჯობესებული ნამუშევრები, რაც თვალნათლივ აჩვენებდა ჩემს პროგრესს.