მოცემულ ჯგუფში მყავს უფროსკლასელები. ერთ-ერთი მათგანი დანარჩენს ინგლისურ სიტყვებს უსწორებს, რომელთაც თვითონ უკეთესად გამოთქვამს.
ირონიულ გამომეტყველებასაც ხშირად ღებულობს და დავალებას ზერელედ ასრულებს. რვეულს დაიჭერს ხოლმე, ვითომ კითხულობს. რეალურად არაფერი უწერია.
გაკვეთილის შემდეგ ასეთი რამ ვუთხარი: თუ ფიქრობთ, რომ ინგლისურად ჯგუფელებზე უკეთ მეტყველებთ და წარმატებით ჩააბარებთ ახალი დონის ტესტს, უფრო “ძლიერებთან” გადაგიყვანთ – მეთქი.
დამეთანხმა.
“რადგან ასეა, ნუღარ აგრძნობინებთ მეგობრებს, თითქოს ყველაზე ბევრი იცით. სანამ ამ ჯგუფში ხართ, დავალებებიც წესისამებრ ჩამაბარეთ.”
მიხვდა, რაც ვიგულისხმე და ახლა შემდეგი გაკვეთილის მოლოდინში ვარ.
ერთმანეთის მიმართ პატივისცემას მინდა გამოხატავდნენ მოსწავლეები.
Ikoshvili 