იდეის შესახებ

ყველას გვაქვს გამონათების მომენტი, როცა განსაკუთრებული აზრი გვებადება. უცხო ენათა სწავლების იდეა აგარაში, ჩემს ეზოში მომივიდა არსებულ შესაძლებლობებზე ფიქრისას.

უცხო ენები

ერთხელ დაბაში ამერიკელები ჩამოვიდნენ და საზაფხულო ინგლისურის კურსი დაიწყეს. მაშინ მე-6 კლასში ვიქნებოდი და დიდი ინტერესით ჩავეწერე.

განსაკუთრებულად ფინალური დღე მახსენდება, როდესაც კლასი ორ გუნდად დაგვყვეს და დაფაზე გავლილი სიტყვები დაგვიწერეს. სიტყვების 90% გუნდიდან მე დავასახელე ინგლისურად.

განვითარება

თბილისში ცხოვრების პერიოდში ყველა შესაძლებლობას ვიყენებდი უცხო ენების სწავლისთვის. ბიბლიოთეკებში სიარული იქნებოდა, კურსების გავლა, თუ საუბარი ნეიტივ სპიკერებთან.

მოსწავლეები

სხვადასხვა ასაკის მსმენელები მყავს, რომლებსაც აერთიანებთ მიზანი: დაიწყონ უცხო ენაზე მეტყველება. დღეში 8-10 საათი მაინც ვუთმობ გაკვეთილებს. მათ შორის შაბათ დღეს სხვა სოფლიდანაც ვიღებ მოსწავლეებს.

ახლო მომავალი

ვაპირებ ენათა დაუფლების ჩემეული ტაქტიკის განვითარებას და მეტი მოსწავლისთვის გაზიარებას.

ამის მერე მოულოდნელად გააცნობიერებთ, რომ ავტომატურად იგებთ ახალ უცხო ენას – ხოლო აზრები თავისით მოდიან.