ერთსა და იმავე დროს, როდესაც კლასი ჯერ არ არის გახსნილი, ჩემს აივანზე პატარა ბიჭი ჩნდება. იგი 30-40 წუთით ადრე მოდის ხოლმე ინგლისურზე.

ხანდახან მზადაც კი არ ვარ. გაკვეთილს ვგეგმავ და ვხედავ, როგორ იმეორებს დავალებას.

ამ ბავშვს ძალიან უყვარს უცხო ენა და ჩვენი გაკვეთილები.

მეუბნება, რომ სახლში წყნარად მეცადინეობა არ გამოსდის, რადგან ხმაურის გამო ყურადღება ეფანტება.

ამიტომ ეჩქარება ხოლმე აქ მოსვლა, სადაც მშვიდად სწავლობს და თავს ბედნიერად გრძნობს.