ვმუშაობდი ტკბილეულის ერთ-ერთ წამყვან საწარმოში გენერალური დირექტორის თანაშემწედ. ამ პოზიციას საკუთარი ძალისხმევით მივაღწიე. გავუგზავნე სივი, დამიბარეს პირველ გასაუბრებაზე, ვიყავი უშუალო ხელმძღვანელთან მეორე გასაუბრებაზე.

საცდელი პერიოდის მერე ამიყვანეს, თუმცა ვგრძნობდი: ეს არ იყო მთლად ის საქმიანობა, რომლისთვისაც ჩემი ცხოვრების უდიდესი ნაწილის დათმობა მსურდა.

გადმოვედი დაბა აგარაში, სადაც ჯერ ნახევარი განაკვეთით, შემდგომ კი სრულად ჩავერთე საგანმანათლებლო საქმეში.

ინგლისურის სწავლებასთან ერთად ადგილობრივი ბავშვებისთვის ბიბლიოთეკის მოწყობა გადავწყვიტე. ვუყურებ ხოლმე რა მათ მადლიერ სახეებს, მიღებული გადაწყვეტილების სისწორეში ვრწმუნდები.