20 წლის ომარს გაგაცნობთ.

ცხოვრობს საოკუპაციო ხაზის გასწვრივ, სოფელ ავლევში. აპირებს აიტი მიმართულებით კოლეჯში ჩაბარებას და ჩემთან ინგლისურში მეცადინეობს.

ამ კვირაშია გამოცდა და სასწავლო პროგრამის დასრულებისას მთხოვა, თუ შეიძლება სწავლა განვაგრძოთ – მინდა, უცხო ენა თავისუფლად ვიცოდეო.

რა თქმა უნდა, შეიძლება. ამისთვის ვარ მეც აგარაში, რათა აქაური სოფლების ახალგაზრდებს უკეთესი პერსპექტივა შეექმნათ ყველაზე მნიშვნელოვანი უნარის შეძენით.