2021 წლის ამბავს გიყვებით:

მოსწავლე იჯდა გაკვეთილზე და სუსტად გამოიყურებოდა. აივანზე გავიყვანე სუფთა ჰაერის ჩასაყლაპად და მეგობართან ერთად შემდეგ სახლში გავუშვი.

მშობლის მონაყოლიდან მოგვიანებით გავიგე, რომ მშიერი ყოფილა სკოლიდან ინგლისურზე წამოსული. ვიფიქრე, რომ შესაძლოა სხვა მოსწავლეებიც განიცდიან იგივე მდგომარეობას და ერთი აზრი მომივიდა.

ზამთრის ლამაზ, თოვლიან დღეს შოკოლადებიანი ლარნაკი კლასის შემოსასვლელში დავდგი. მას მერე ყოველთვის ასე ვიქცევი – ტკბილეულით ვავსებ და პატარებს ვახვედრებ ხოლმე. თავიდან ერიდებოდათ აღება, მაგრამ ბოლოს უკვე ნორმად იქცა. ვისაც მოუნდება, უცებ წაიხემსებს და იქვე წყალსაც დააყოლებს.

ვიცი, მცირედია, თუმცა განწყობას უმაღლებს ბავშვებს და უფრო ენერგიულად ერთვებიან საგაკვეთილო პროცესში.