სოფლად ინგლისურის გამართული სწავლება რთული პროცესია.
ოჯახების უმრავლესობა ფინანსურ სირთულეებს აწყდება, საკლასო გარემოს მუდმივი მოვლა სჭირდება, რესურსებიც არასაკმარისია, თუმცა საუკეთესო ადამიანების მხარდაჭერით ვუმკლავდები ყოველდღიურ გამოწვევებს.
ზოგჯერ, მათ შორის ადგილობრივები, მეკითხებიან: რატომ არ ვეძებ კომფორტულ ცხოვრებას სხვაგან? მე კი ჯიუტად ვრჩები მიღებული გადაწყვეტილების ერთგული.
(more…)ინგლისურს ვასწავლი დაბა აგარაში Ikoshvili.com
In the small town of Agara, big dreams are quietly growing; step by step, with purpose and patience.
Many of my students come from villages with limited opportunities, yet their determination is limitless. Each student holds a hope: to speak fluent English, connect with the world, and build a brighter future.
I teach them all through the TemIk Method, an approach I developed after years of practical classroom experience.
It’s not just about grammar or vocabulary. It’s about confidence, curiosity, and creating a new path for every child who dares to dream.
On that journey, the children’s progress is both my reward and a reminder of why this work matters.
გაკვეთილი ახალი დაწყებული იყო, როდესაც ერთ-ერთი მოსწავლე ქოშინით შემოქანდა საკლასო ოთახში; საათს ახედა და კმაყოფილმა რომ ძალიან არ დაჰგვიანებია, დაიკავა თავისი ადგილი.
ვურჩიე, ადრე გამოსულიყო ხოლმე და მოასწრებდა მოსვლას.
“ძროხებს ვუვლიდით, მას და ისე გავიდა დრო, ვერ გავიგე. ეხლა რომ მივალ, პაპას უნდა მივეხმარო კიდე და მერე სკოლაში წავიდე. ბოდიშით.” – მითხრა მან.
(more…)მეცადინეობის გაცდენის შემდეგ ერთ-ერთ მშობელს შევეხმიანე ამბის მოსაკითხად.
ზარი ვერ გაიგო, რადგან მინდორში მუშაობდა საკვებისთვის.
წერილი დავუტოვე; რატომ აღარ დადის ბავშვი ინგლისურზე, დავინტერესდი.
რაიონში არსებული სოციალური ფონი მძიმეა, თუმცა უფრო მტკივნეული კონკრეტული ფაქტის გაგება ყოფილა.
(more…)ზრდასრულთა ჯგუფში ჩაეწერა მოსწავლე, რომელიც გაცნობითი გაკვეთილის შემდეგ აღარ გამოჩენილა. კონტაქტზეც ვერ გავედი და ჩავთვალე, გადაიფიქრა სწავლა – თქო.
დამოუკიდებლობის დღეს ვისვენებთ, თუმცა მოულოდნელად ძახილის ხმა შემომესმა. გავიხედე და კართან ეს დაკარგული მოსწავლე იდგა.
მითხრა, პირველი მეცადინეობის მერე წუთებს ვითვლიდი, მაღაზიიდან გაკვეთილზე გამოსაქცევად, მაგრამ ხანდახან ზედმეტი საათიც მიწევს მუშაობაო.
(more…)ასეთი შემთხვევები მახსენებს, თუ რატომ ავირჩიე მასწავლებლობა.
უმცროსკლასელი ბავშვი შემოუერთდა მეცადინეობას და ცარიელი მზერით დაჰყურებდა წიგნს პირველ გაკვეთილზე. კითხვა არ სურდა. ალბათ, ჯგუფელებთან მორცხვობისა და შეცდომის შიშის გამო.
აღარ ჩავეძიე, უბრალოდ ვუთხარი: “როცა მოგინდება საუბარი და წაკითხვა, მე აქ ვარ და გისმენ. შეცდომებს შეგისწორებ, სულ ესაა.”
(more…)30-40 ლარად ვამზადებ მოსწავლეებს, რაც შიდა ქართლის ფასებზე სამჯერ არის ნაკლები.
რატომ ასე იაფად?
ჩემი მიზანია, ინგლისურის სწავლა ფართო მასებში გავხადო ხელმისაწვდომი.
ვისაც განათლება სწყურია, მაგრამ ოჯახის მცირე შემოსავლით სტანდარტულ გადასახადს ვერ გაწვდება.
(more…)რას ნიშნავს წარმატება?
ზოგისთვის ეს დიდ ქალაქებში მოპოვებულ ტიტულებს უკავშირდება.
ჩემთვის კი წარმატებაა თუნდაც პატარა დასახლებაში უკეთესის შექმნა – ნელა, ყოველდღიური შრომით.
აგარაში ვასწავლი ახალგაზრდებს, ვისაც სჯერა, რომ ენის ათვისება კარიერისა და თავისუფლების გასაღებია.
(more…)ამ რამდენიმე დღის უკან, გაკვეთილზე მოსწავლემ დასველებული წიგნი და რვეულები ამოალაგა.
გაკვირვებულმა შევხედე – მორცხვად გამიღიმა და მითხრა, რომ წვიმაში დაუსველდა სასწავლო ნივთები.
სწორედ მაშინ შევნიშნე, რომ ჩანთის უქონლობის გამო ერთჯერადი პარკით დადიოდა ინგლისურზე.
უცნაურ სიჩუმეში ვიყავით ორივე.
(more…)სტუდენტები ამბობენ, რომ ინგლისურად ვერ საუბრობენ. ამის მიზეზი წარსულში უნდა ვეძებოთ. ალბათ, ელოდებიან სიტყვის მოცულობით მარაგს, როდის დააგროვებენ და შემდეგ დაიწყებენ სალაპარაკო აქტივობებს.
ეს შეცდომაა, რადგან ნახევარი მილიონი სიტყვის სწავლა დაუსრულებელ ლოდინსაც ნიშნავს; მოსწავლე დაიღლება, ხელს ჩაიქნევს და ეგონება, ვერასოდეს დაიწყებს საუბარს.
(more…)
თემურ იკოშვილი 