პატარა დასახლების მასწავლებელი კი ვარ, მაგრამ ჩემი ინიციატივა მხოლოდ ერთ სკოლას არ მოიცავს.

სხვადასხვა სოფლიდან ჩამოდიან აგარაში – ცოდნის, განვითარების, წარმატების მოპოვებისთვის.

სწორედ ახლა უნდა მოგიყვეთ ფაქტები ერთ-ერთ წარმატებულ მოსწავლეზე:

კინგსის ოლიმპიადაზე მიიღო 100/100 ქულა;

ვახტანგ ფხაკაძის ფონდ ლუტეციასთან ერთად ჩატარებულ კონკურსში წელს დაიკავა I ადგილი;

ზედიზედ მეოთხედ მოხვდა თვის ლიდერებში და აიღო სერტიფიკატი;

ფონდ ლუტეციასთან ერთად ჩატარებულ კონკურსში გასულ წელს დაიკავა II ადგილი;

ლინგოსტარის ოლიმპიადაზე ასპარეზობის შემდეგ ჰქონდა გასაუბრება უცხოელ პედაგოგთან;

ანდრია მესამე კლასში შემოუერთდა ინგლისურს; ახლა მეექვსეშია. დადის სოფელი ფციდან.

მისი მაგალითი გვიჩვენებს, რამხელა შედეგები მიიღწევა, როდესაც განათლებას პრიორიტეტად ვაქცევთ.

სამომავლოდ მჯერა, ჩემი მოსწავლეები კიდევ არაერთხელ გაგვაკვირვებენ.