ზრდასრულთა ჯგუფში ჩაეწერა მოსწავლე, რომელიც გაცნობითი გაკვეთილის შემდეგ აღარ გამოჩენილა. კონტაქტზეც ვერ გავედი და ჩავთვალე, გადაიფიქრა სწავლა – თქო.
დამოუკიდებლობის დღეს ვისვენებთ, თუმცა მოულოდნელად ძახილის ხმა შემომესმა. გავიხედე და კართან ეს დაკარგული მოსწავლე იდგა.
მითხრა, პირველი მეცადინეობის მერე წუთებს ვითვლიდი, მაღაზიიდან გაკვეთილზე გამოსაქცევად, მაგრამ ხანდახან ზედმეტი საათიც მიწევს მუშაობაო.
(more…)ერთ-ერთმა საუკეთესო ჯგუფმა დაასრულა ინგლისურის კურსი.
100%-ით უცხო ენაზე წარმართული გაკვეთილებისა და მათი მონდომების შედეგად, უკვე შეუძლიათ თავისუფლად გამოხატონ საკუთარი აზრები.
საქებარია ფციელი და ქვენატკოცელი ბავშვების ძალისხმევა. კილომეტრებს მოდიოდნენ ფეხით აგარაში, მიუხედავად უკიდურესად სუსხიანი და ცივი ამინდებისა.
(more…)ვმუშაობდი ტკბილეულის ერთ-ერთ წამყვან საწარმოში გენერალური დირექტორის თანაშემწედ. ამ პოზიციას საკუთარი ძალისხმევით მივაღწიე. გავუგზავნე სივი, დამიბარეს პირველ გასაუბრებაზე, ვიყავი უშუალო ხელმძღვანელთან მეორე გასაუბრებაზე.
საცდელი პერიოდის მერე ამიყვანეს, თუმცა ვგრძნობდი: ეს არ იყო მთლად ის საქმიანობა, რომლისთვისაც ჩემი ცხოვრების უდიდესი ნაწილის დათმობა მსურდა.
(more…)წინადადებას ვუთარგმნიდი უცხო ენის ჯგუფს და ფინიშთან ერთი მარტივი სიტყვა დამავიწყდა. ვერ გავიხსენე “ჩრდილი” ინგლისურად.
რა იქნება, ახლა გავქრებოდე მეთქი – ვფიქრობდი, როდესაც უკნიდან მშვიდი ხმა გავიგონე: “shadow” ხომ, მას?
მოსწავლის ნათქვამზე გამახსენდა მაშინვე, რომ იმ კონტექსტში სიტყვა shade მჭირდებოდა.
(more…)სოფლად ინგლისურის გამართული სწავლება რთული პროცესია.
ოჯახების უმრავლესობა ფინანსურ სირთულეებს აწყდება, საკლასო გარემოს მუდმივი მოვლა სჭირდება, რესურსებიც არასაკმარისია, თუმცა საუკეთესო ადამიანების მხარდაჭერით ვუმკლავდები ყოველდღიურ გამოწვევებს.
ზოგჯერ ადგილობრივები მეკითხებიან: რატომ არ ვეძებ კომფორტულ ცხოვრებას სხვაგან? მე კი ჯიუტად ვრჩები მიღებული გადაწყვეტილების ერთგული.
(more…)ეროვნული ბიბლიოთეკის დირექტორი გიორგი კეკელიძე წერს სოციალურ ქსელში:
(more…)მოსწავლეებზე და სწავლის პროცესზე მომიყევით, როგორი მეთოდი გაქვთ?
ჯგუფურ მეცადინეობებს ვატარებ. დროის ორ მესამედი სტუდენტების ჩართულობას ეთმობა – ეს იქნება დიალოგები, გამოკითხვა, თამაშები თუ სხვა აქტივობა.
გაკვეთილებს ისე ვამზადებ, რომ ინფორმაციული და აგრეთვე სახალისო იყოს.
(more…)მეცადინეობის გაცდენის შემდეგ ერთ-ერთ მშობელს შევეხმიანე ამბის მოსაკითხად.
ზარი ვერ გაიგო, რადგან მინდორში მუშაობდა საკვებისთვის.
წერილი დავუტოვე; რატომ აღარ დადის ბავშვი ინგლისურზე, დავინტერესდი.
რაიონში არსებული სოციალური ფონი მძიმეა, თუმცა უფრო მტკივნეული კონკრეტული ფაქტის გაგება ყოფილა.
(more…)ასეთი შემთხვევები მახსენებს, თუ რატომ ავირჩიე მასწავლებლობა.
უმცროსკლასელი ბავშვი შემოუერთდა მეცადინეობას და ცარიელი მზერით დაჰყურებდა წიგნს პირველ გაკვეთილზე. კითხვა არ სურდა. ალბათ, ჯგუფელებთან მორცხვობისა და შეცდომის შიშის გამო.
აღარ ჩავეძიე, უბრალოდ ვუთხარი: “როცა მოგინდება საუბარი და წაკითხვა, მე აქ ვარ და გისმენ. შეცდომებს შეგისწორებ, სულ ესაა.”
(more…)30-40 ლარად ვამზადებ მოსწავლეებს, რაც შიდა ქართლის ფასებზე სამჯერ არის ნაკლები.
რატომ ასე იაფად?
ჩემი მიზანია, ინგლისურის სწავლა ფართო მასებში გავხადო ხელმისაწვდომი.
ვისაც განათლება სწყურია, მაგრამ ოჯახის მცირე შემოსავლით სტანდარტულ გადასახადს ვერ გაწვდება.
(more…)
თემურ იკოშვილი 