მეცადინეობის გაცდენის შემდეგ ერთ-ერთ მშობელს შევეხმიანე ამბის მოსაკითხად.
ზარი ვერ გაიგო, რადგან მინდორში მუშაობდა საკვებისთვის.
წერილი დავუტოვე; რატომ აღარ დადის ბავშვი ინგლისურზე, დავინტერესდი.
რაიონში არსებული სოციალური ფონი მძიმეა, თუმცა უფრო მტკივნეული კონკრეტული ფაქტის გაგება ყოფილა.
(more…)ზრდასრულთა ჯგუფში ჩაეწერა მოსწავლე, რომელიც გაცნობითი გაკვეთილის შემდეგ აღარ გამოჩენილა. კონტაქტზეც ვერ გავედი და ჩავთვალე, გადაიფიქრა სწავლა – თქო.
დამოუკიდებლობის დღეს ვისვენებთ, თუმცა მოულოდნელად ძახილის ხმა შემომესმა. გავიხედე და კართან ეს დაკარგული მოსწავლე იდგა.
მითხრა, პირველი მეცადინეობის მერე წუთებს ვითვლიდი, მაღაზიიდან გაკვეთილზე გამოსაქცევად, მაგრამ ხანდახან ზედმეტი საათიც მიწევს მუშაობაო.
(more…)ასეთი შემთხვევები მახსენებს, თუ რატომ ავირჩიე მასწავლებლობა.
უმცროსკლასელი ბავშვი შემოუერთდა მეცადინეობას და ცარიელი მზერით დაჰყურებდა წიგნს პირველ გაკვეთილზე. კითხვა არ სურდა. ალბათ, ჯგუფელებთან მორცხვობისა და შეცდომის შიშის გამო.
აღარ ჩავეძიე, უბრალოდ ვუთხარი: “როცა მოგინდება საუბარი და წაკითხვა, მე აქ ვარ და გისმენ. შეცდომებს შეგისწორებ, სულ ესაა.”
(more…)30-40 ლარად ვამზადებ მოსწავლეებს, რაც შიდა ქართლის ფასებზე სამჯერ არის ნაკლები.
რატომ ასე იაფად?
ჩემი მიზანია, ინგლისურის სწავლა ფართო მასებში გავხადო ხელმისაწვდომი.
ვისაც განათლება სწყურია, მაგრამ ოჯახის მცირე შემოსავლით სტანდარტულ გადასახადს ვერ გაწვდება.
(more…)რას ნიშნავს წარმატება?
ზოგისთვის ეს დიდ ქალაქებში მოპოვებულ ტიტულებს უკავშირდება.
ჩემთვის კი წარმატებაა თუნდაც პატარა დასახლებაში უკეთესის შექმნა – ნელა, ყოველდღიური შრომით.
აგარაში ვასწავლი ახალგაზრდებს, ვისაც სჯერა, რომ ენის ათვისება კარიერისა და თავისუფლების გასაღებია.
(more…)ამ რამდენიმე დღის უკან, გაკვეთილზე მოსწავლემ დასველებული წიგნი და რვეულები ამოალაგა.
გაკვირვებულმა შევხედე – მორცხვად გამიღიმა და მითხრა, რომ წვიმაში დაუსველდა სასწავლო ნივთები.
სწორედ მაშინ შევნიშნე, რომ ჩანთის უქონლობის გამო ერთჯერადი პარკით დადიოდა ინგლისურზე.
უცნაურ სიჩუმეში ვიყავით ორივე.
(more…)სტუდენტები ამბობენ, რომ ინგლისურად ვერ საუბრობენ. ამის მიზეზი წარსულში უნდა ვეძებოთ. ალბათ, ელოდებიან სიტყვის მოცულობით მარაგს, როდის დააგროვებენ და შემდეგ დაიწყებენ სალაპარაკო აქტივობებს.
ეს შეცდომაა, რადგან ნახევარი მილიონი სიტყვის სწავლა დაუსრულებელ ლოდინსაც ნიშნავს; მოსწავლე დაიღლება, ხელს ჩაიქნევს და ეგონება, ვერასოდეს დაიწყებს საუბარს.
(more…)ახლომდებარე დასახლებიდან ჩაეწერენ ძმები ინგლისურში სამეცადინოდ.
ძალიან კულტურული, ზრდილობიანი და ბეჯითი ბავშვები აღმოჩნდნენ.
პირველივე დღეებიდან გამოავლინეს მონდომება უცხო ენაში, თუმცა მალევე გაცდენები დაიწყო.
მათი ჯგუფელები წინ მიიწევდნენ, ძმები კი ჩამორჩნენ სწავლას. მშობლის მონაწერიდან გავარკვიე, რომ პრობლემა ტრანსპორტის საფასურშია.
(more…)სწავლება ჩემთვის ადამიანების დახმარებაა პოტენციალის გამოვლენაში. იმის ჩვენება, რომ მეცადინეობა სასიამოვნო საქმეა.
მოტივაციის მიცემა მიყვარს, განსაკუთრებით კითხვისადმი გულგრილი მოსწავლეებისთვის, რათა დარწმუნდნენ, საუკეთესო შედეგის დადება თავადაც შეუძლიათ.
სხვები თუ უჩიჩინებენ რომ ზარმაცები არიან და არაფერი გამოუვათ, მე გამოწვევას ვუსახავ ამა და ამ დავალების შესასრულებლად.
(more…)ყოველ შაბათ-კვირას ის მოთმინებით უცდის გაკვეთილის დაწყებას.
არასდროს არ დაუგვიანია ინგლისურზე; პირიქით, ადრე მოდის ხოლმე და წიგნში ჩახედული იმეორებს ახალ მასალას.
მოსწავლე კილომეტრებით შორს, სხვა სოფელში ცხოვრობს და აგარამდე მოსასვლელ გზას ფეხით გადის.
(more…)
თემურ იკოშვილი 